काठमाडौं । प्रधान सेनापति महारथी अशोकराज सिग्देल औपचारिक भ्रमणका लागि आज बेलायत प्रस्थान गरेका छन्।
बेलायती सेनाका प्रमुख जनरल सर रोली वाकरको निमन्त्रणामा प्रधान सेनापति सिग्देल बेलायत भ्रमणमा गएका हुन्। उनी २०८३ असोज १९ गतेदेखि असोज २५ गतेसम्म बेलायतमा रहनेछन्।
भ्रमणका क्रममा प्रधान सेनापति सिग्देलले बेलायती सेनाका उच्च अधिकारी तथा सम्बन्धित पक्षसँग भेटवार्ता गर्ने कार्यक्रम रहेको छ। भ्रमणले नेपाल र बेलायतका सेनाबीच रहँदै आएको लामो समयदेखिको सैन्य सम्बन्ध तथा सहकार्यलाई थप सुदृढ बनाउन सहयोग पुग्ने अपेक्षा गरिएको छ।
नेपाली सेना र बेलायती सेनाबीच तालिम, क्षमता अभिवृद्धि, शान्ति स्थापनालगायतका विभिन्न क्षेत्रमा सहकार्य हुँदै आएको छ। प्रधान सेनापतिको यो भ्रमणले दुई देशका सैनिकबीचको आपसी सम्बन्ध र व्यावसायिक सहकार्यलाई थप विस्तार गर्ने अवसर प्रदान गर्ने जनाइएको छ।
प्रधान सेनापति सिग्देल असोज २५ गते स्वदेश फर्कने कार्यक्रम रहेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
