काठमाडौं । नेपाल टेलिकमले आर्थिक वर्ष २०८०/८१ सम्मको बक्यौता दूरसञ्चार महसुल तोकिएको अवधिभित्र भुक्तानी गर्ने ग्राहकलाई जरिवाना छुट दिने भएको छ।
कम्पनीले सार्वजनिक गरेको सूचनाअनुसार बक्यौता रकम आगामी २०८३ पुस मसान्तसम्म भुक्तानी गर्ने ग्राहकलाई लाग्ने जरिवाना छुट प्रदान गरिनेछ। कम्पनीले सम्बन्धित ग्राहकलाई नजिकको दूरसञ्चार कार्यालयमा गई उक्त सुविधाको लाभ लिन आग्रह गरेको छ।
नेपाल टेलिकमले लामो समयदेखि बाँकी रहेको महसुल असुलीलाई प्रभावकारी बनाउन यस्तो सुविधा ल्याएको जनाएको छ। निर्धारित समयभित्र बक्यौता रकम भुक्तानी नगर्ने ग्राहकको हकमा भने कम्पनीले थप प्रक्रिया अघि बढाउने चेतावनी दिएको छ।
कम्पनीका अनुसार बक्यौता रकम भुक्तानी नगर्ने ग्राहकहरूको नाम, ठेगाना तथा बक्यौताको विवरण कम्पनीको वेबसाइट तथा पत्रिकामार्फत सार्वजनिक सूचना प्रकाशन गरी रकम असुलीको प्रक्रिया अघि बढाइनेछ।
नेपाल टेलिकमले सम्बन्धित सबै ग्राहकलाई तोकिएको समयसीमाभित्र बक्यौता महसुल भुक्तानी गरी जरिवाना छुटको अवसर उपयोग गर्न अनुरोध गरेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
