काठमाडौं, भदौ ९ – नेपाल राष्ट्र बैंक (एनआरबी) को मुद्रा व्यवस्थापन विभागले १००० दरका ४३ करोड रुपैयाँ नोट छपाइ, आपूर्ति र डेलिभरीका लागि अन्तर्राष्ट्रिय प्रतिस्पर्धी बोलपत्र आह्वान गरेको छ। राष्ट्र बैंकले यसका लागि पूर्व-योग्य सुरक्षा छापाखाना कम्पनीलाई मात्र सहभागी हुन आग्रह गरेको हो।
एनआरबीले जारी गरेको सूचनाअनुसार आन्तरिक प्रतिस्पर्धी बोलपत्र प्रक्रिया (IFB No: NRB/CMD/ICB/G-02/082/83) अन्तर्गत बोलपत्र दिने कम्पनीले एउटै चरणमा दुईवटा छुट्टाछुट्टै खाममा पेश गर्नुपर्नेछ। यसमा प्राविधिक प्रस्ताव र मूल्य प्रस्ताव अलग्गै राखी एउटै खामभित्र बुझाउनुपर्ने व्यवस्था गरिएको छ।
यसअघि सन् २०२५ मार्च १२ मा प्रकाशित सूचनामा नामावलीमा परेका पूर्व-योग्य कम्पनीले मात्र यसमा सहभागी हुन पाउने व्यवस्था छ। बोलपत्र फाराम एनआरबीको थापाथलीस्थित मुद्रा व्यवस्थापन विभाग वा बबरमहलस्थित टकसाल शाखाबाट वा इमेल मार्फत खरिद गर्न सकिनेछ। यसका लागि कम्पनी दर्ता प्रमाणपत्र, अधिकृत प्रतिनिधि पत्र र तोकिएको शुल्क बुझाउनुपर्ने व्यवस्था गरिएको छ।
बोलपत्र फाराम खरिद गर्नुपर्ने अन्तिम मिति २०८२ असोज २३ (९ अक्टोबर २०२५) सम्म तोकिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
