सामसुङ नेपालको ‘वार्म विन्टर अफर’ : वासिङ मेसिन र फ्रिजमा २३ प्रतिशतसम्म क्यासब्याक

काठमाडौं। जाडोयामलाई सहज र आरामदायक बनाउन सामसुङ नेपालले देशभर लागू हुने ‘वार्म विन्टर अफर’ घोषणा गरेको छ। अफर नोभेम्बर २१ देखि जनवरी १४ सम्म सामसुङका अधिकृत रिटेलरमार्फत उपलब्ध हुनेछ। यस अवधिमा ग्राहकले विभिन्न मोडलका वासिङ मेसिन तथा रेफ्रिजेरेटरमा आकर्षक छुट, क्यासब्याक तथा सरल वित्तीय सुविधाको लाभ लिन सक्नेछन्।

अफरअन्तर्गत ७ किलोदेखि १२ किलो क्षमतासम्मका एआई इकोबुबल वासर–ड्रायर, फ्रन्ट लोड तथा फाल्ट/साल्ट मोडलका वासिङ मेसिनमा अधिकतम २३ प्रतिशत इन्स्ट्यान्ट क्यासब्याक प्राप्त हुने कम्पनीले जनाएको छ। त्यस्तै, सिंगल डोर, डबल डोर तथा साइड–बाई–साइड रेफ्रिजेरेटर मा अधिकतम १७ प्रतिशत क्यासब्याक उपलब्ध हुनेछ।

सामसुङका वासिङ मेसिन तथा रेफ्रिजेरेटरमा प्रयोग गरिएको डिजिटल इन्भर्टर टेक्नोलोजी (DIT) मोटर मा कम्पनीले २० वर्षे वारेन्टी उपलब्ध गराएको छ। साथै, सबै मोडलमा निःशुल्क इन्स्टलेसन सेवा प्रदान गरिने छ।

ग्राहकले सामसुङ इन्स्टा फाइनान्स सेवालाई (हुलास फिनसर्भ हायर पर्चेजद्वारा सञ्चालित) प्रयोग गरी शून्य प्रतिशत ब्याजदरमा सहज EMI मार्फत होम अप्लायन्स खरिद गर्न सक्नेछन्। तत्काल किस्ताबन्दी गर्न चाहनेका लागि यो सुविधा विशेष रूपमा उपयोगी हुने जनाइएको छ।

यसबाहेक, नयाँ सामसुङ टिभी वा होम अप्लायन्समा अपग्रेड गर्न चाहने ग्राहकले देशभरका अधिकृत सामसुङ रिटेल स्टोरमा पुराना उपकरण सहजै एक्सचेञ्ज गर्न सक्ने व्यवस्था समेत मिलाइएको छ। कम्पनीका अनुसार, ग्राहकलाई अझ किफायती र सुविधाजनक सेवा प्रदान गर्नु नै यो अफरको मुख्य उद्देश्य हो।