आज राति १२ बजेदेखि सङ्घीय संसद्का दुवै सदनको चालु अधिवेशन अन्त्य

काठमाडौँ । राष्ट्रपति रामचन्द्र पौडेलले संघीय संसद्का प्रतिनिधिसभा र राष्ट्रियसभाको चालु अधिवेशन अन्त्य गरेका छन्। मन्त्रिपरिषद्ले असोज १३ गते गरेको सिफारिसका आधारमा राष्ट्रपतिले संविधानको धारा ९३ को उपधारा (२) अनुसार अधिवेशन अन्त्य गरेका हुन्।

राष्ट्रपति कार्यालयका अनुसार अधिवेशन शुक्रबार राति १२ बजेदेखि औपचारिक रूपमा अन्त्य भएको छ। यससँगै संसद्का दुवै सदनको हाल चलिरहेको अधिवेशन समाप्त भएको छ।

राष्ट्रपति कार्यालयका प्रवक्ता कृष्णबहादुर शाहीले बिहीबार जारी गरेको विज्ञप्तिमार्फत अधिवेशन अन्त्य गरिएको जानकारी दिएका हुन्। संसद्को अधिवेशन अन्त्य भएपछि यस अवधिमा भइरहेका बैठक तथा संसदीय कामकारबाही पनि रोकिएका छन्। आवश्यक परे सरकारले आगामी दिनमा फेरि नयाँ अधिवेशन बोलाउन सक्नेछ।