भारतको आसाममा दुई समूहहरूबीच झडप हुँदा २ जनाको मृत्यु, ४८ प्रहरी घाइते

काठमाडौँ — भारतको उत्तरपूर्वी राज्य आसामको पश्चिम कार्बी आङ्लोङ जिल्लाको खेरोनी क्षेत्रमा दुई आदिवासी समूहबीच भएको झडपमा कम्तीमा दुई जनाको मृत्यु भएको छ भने ४० भन्दा बढी घाइते भएका छन्। स्थानीय प्रहरीका अनुसार संरक्षित आदिवासी जग्गामा कथित अतिक्रमणको विषयलाई लिएर लगातार दोस्रो दिन झडप भएको हो। झडपका क्रममा वरिष्ठ प्रहरीसहित ४८ जना प्रहरी कर्मचारी घाइते भएका छन् र धेरै पसल तथा मोटरसाइकलमा तोडफोड भएको छ।

मंगलबार प्रदर्शनकारीहरूले एउटा पसलमा आगजनी गर्दा २५ वर्षीय युवक जिउँदै जलेर मृत्यु भएको थियो। बासिन्दाहरूले मृतक सुरज डे भएको बताएका छन्। अर्का घाइते चिङ्थी तिमुङको पनि उपचारका क्रममा मृत्यु भएको छ। आसामका मुख्यमन्त्री हिमन्त विश्व शर्माले शोक व्यक्त गर्दै शान्ति कायम गर्न थप सुरक्षा बल तैनाथ गरिने बताएका छन्।