काठमाडौं । नेपाली सेना र भारतीय सेनाबीच द्विपक्षीय सैन्य सहकार्य विस्तार तथा आपसी सम्बन्ध थप सुदृढ बनाउने विषयमा छलफल भएको छ।
भारतीय सेनाका एड्जुटेन्ट जनरल लेफ्टिनेन्ट जनरल वीरेश प्रताप सिंह कौशिकले नेपाली सेनाका प्रधानसेनापति तथा भारतीय सेनाका मानार्थ महारथी जनरल अशोकराज सिग्देलसँग नेपाली सेना मुख्यालयमा भेटवार्ता गरेका हुन्।
भेटका क्रममा नेपाल र भारतबीच रहिआएको दीर्घकालीन सैनिक सम्बन्धलाई थप मजबुत बनाउने तथा द्विपक्षीय सैन्य सहकार्यका क्षेत्रलाई विस्तार गर्ने विषयमा छलफल केन्द्रित रहेको जनाइएको छ।
दुवै देशका सेनाबीचको सहकार्य, पारस्परिक सम्बन्ध र संस्थागत साझेदारीलाई निरन्तरता दिने विषयमा भएको यस भेटलाई नेपाल–भारत सैनिक सम्बन्धको महत्त्वपूर्ण कडीका रूपमा हेरिएको छ।
नेपाल र भारतबीच लामो समयदेखि कायम रहेको सैनिक सम्बन्धमा उच्चस्तरीय भ्रमण, तालिम तथा विभिन्न सैन्य गतिविधिमार्फत सहकार्य हुँदै आएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
