भक्तपुर, उपत्यकाको नयाँ अटो हबको रूपमा विकसित, सवारी साधनका नयाँ शोरुमहरू र डाइभिङ सेन्टरहरु समेतमा पनि वृद्धि

भक्तपुर, २२ नोभेम्बर।भक्तपुर गट्ठाघरदेखि सूर्यविनायक क्षेत्र अहिले उपत्यकाको प्रमुख अटो हबको रूपमा विकसित भइरहेको छ। यहाँ दुई पांग्रे र चार पांग्रे सवारी साधनका शोरुमहरूको संख्या दिनानु दिन बढ्दै गइरहेको छ। यस क्षेत्रले उपभोक्तालाई विभिन्न ब्रान्डका गाडीहरू एकै स्थानमा तुलना गर्न र खरिद गर्नको लागि ठूलो अवसर प्रदान गरेको छ।

गट्ठाघरदेखि सूर्यविनायकसम्मको ४ किलोमिटरको क्षेत्रमा सात वटा प्रमुख अटो ब्रान्डका शोरुमहरू सञ्चालनमा रहेका छन्। यस क्षेत्रमा एमजी, हुन्डाई, टाटा, सेरेस, डिपल, किया, र टिभिएस जस्ता प्रमुख अटो ब्रान्डका गाडीहरू उपलब्ध गराइन्छ। यसले भक्तपुरलाई सवारी साधन खरिदको प्रमुख गन्तव्य बनाएको छ।

अटो ब्रान्डहरूको बृद्धि संगै, भक्तपुर क्षेत्रमा नयाँ शोरुमहरूको निर्माण तीव्र भइरहेको छ। यसले सवारी साधन खरिद गर्न चाहने ग्राहकहरूका लागि न केवल चार पांग्रे गाडीहरू, अपितु दुई पांग्रे सवारी साधनहरू पनि उपलब्ध गराउँदै आएको छ। यस क्षेत्रमा विभिन्न थुप्रै मोटर डाइभिङ केन्द्रहरू पनि लगभग ३ किलोमिटरको दूरीमा प्रशस्त रहेका छन्, जसले इञ्जिन रिपेयरदेखि सुरु गरेर सवारी साधनको मर्मतसम्भार सेवा प्रदान गर्दैछन्।,

साथै, बजाज, टिभिएस, हिरो, होन्डा जस्ता प्रमुख ब्रान्डका मोटर साइकल र स्कुटरका नयाँ शोरुमहरू पनि यहाँ देख्न सकिन्छ। यी शोरुमहरूले उपभोक्तालाई इवी (इलेक्ट्रिक भेहिकल) मोटर साइकल र स्कुटरहरूको नयाँ विकल्प प्रदान गरेका छन्, जसले सवारी साधन खरिदको प्रक्रियालाई अझ सहज र विविध बनाएको छ।

भक्तपुरको गट्ठाघरदेखि सूर्यविनायकसम्मको क्षेत्रमा सिजी मोटर्सको नेटाको शोरुम र दिगो ग्रुपको शोरुम चारदोबाटोमा उपलब्ध छन्, जबकि गट्ठाघरमा यामाहा, सोकोन भ्यान र एमजीका शोरुमहरू पनि रहेका छन्। यस क्षेत्रमा शोरुमहरूको तीव्र वृद्धि अटोमोबाइल्सको व्यापारमा नयाँ उचाइमा पुर्‍याउन मद्दत पुर्याइरहेको छ।

यस प्रकार, भक्तपुरको गट्ठाघरदेखि सूर्यविनायक क्षेत्रका अटो ब्रान्डहरूको निरन्तर वृद्धि र नयाँ शोरुमहरूको स्थापना यस क्षेत्रलाई उपभोक्ताका लागि एक प्रमुख गन्तव्य बनाउँदैछ। यस क्षेत्रमा अझ बढी ब्रान्ड र शोरुमहरूको आगमनको सम्भावना रहेको छ, जसले यसलाई उपत्यकाको एक सशक्त अटो हबको रूपमा स्थापित गर्नेछ।