बंगलादेशकी पूर्वप्रधानमन्त्री खालिदा जियाको निधन

काठमाडौँ । बंगलादेशकी पहिलो महिला प्रधानमन्त्री तथा बंगलादेश नेसनालिस्ट पार्टी ९बीएनपी० की अध्यक्ष खालिदा जियाको निधन भएको छ। लामो समयदेखि स्वास्थ्य समस्याबाट पीडित रहेकी जियाको उपचारका क्रममा राजधानी ढाकामा निधन भएको पारिवारिक स्रोतले जनाएको छ। उनको निधनले बंगलादेशको राजनीतिक वृत्त मात्र होइन, आम नागरिकमा पनि गहिरो शोक छाएको छ।

खालिदा जिया बंगलादेशको राजनीतिमा प्रभावशाली नेतृका रूपमा परिचित थिइन्। उनी पहिलो पटक सन् १९९१ मा प्रधानमन्त्री बनेकी थिइन्। त्यसपछि उनले सन् १९९६ र २००१ मा पनि प्रधानमन्त्रीको जिम्मेवारी सम्हालिन्। उनी दिवंगत राष्ट्रपति जियाउर रहमानकी पत्नी हुन्, जसको नामबाटै बीएनपी स्थापना भएको हो।

उनको राजनीतिक जीवन उतार–चढावले भरिएको थियो। समर्थकहरूले उनलाई दृढ र निर्णायक नेतृका रूपमा सम्झिन्छन् भने आलोचकहरूले उनको कार्यशैलीमाथि प्रश्न उठाउने गरेका थिए। पछिल्ला वर्षहरूमा स्वास्थ्य कमजोर हुँदै गएपछि उनी सक्रिय राजनीतिबाट टाढिँदै गएकी थिइन्।

खालिदा जियाको निधनप्रति बंगलादेशका राजनीतिक दल, नागरिक समाज र अन्तर्राष्ट्रिय समुदायले श्रद्धाञ्जली व्यक्त गरेका छन्। सरकारले राष्ट्रिय शोकको घोषणा गर्ने तयारी गरेको बताइए