काठमाडौँ । दशैँको बिदा सकिएसँगै आज सोमबारदेखि देशभरका सरकारी कार्यालय, विद्यालय, बैंक तथा वित्तीय संस्था खुल्दैछन्। नौ दिनपछि आजदेखि सेयर बजार पनि सञ्चालनमा आउँदैछ।
दशैँअघि असोज ३० गते नेप्से परिसूचक ८.२३ अंकले बढेर २६३४.१७ विन्दुमा बन्द भएको थियो। अब बजार खुल्दा सेयरको मूल्य बढ्छ वा घट्छ भन्ने चासो लगानीकर्तामा छ।
सेयर बजारका विश्लेषकहरूले दशैँपछि बजारमा सुधार हुन सक्ने बताएका छन्। तर तिहार र छठसम्म चाडपर्वको प्रभाव रहने भएकाले ठूलो वृद्धि हुने सम्भावना कम रहेको उनीहरूको भनाइ छ।
लगानीकर्ताको मनोबल बढे बजारमा सकारात्मक सुधार आउन सक्ने विश्लेषकहरूको अनुमान छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
