सर्बियामा विद्यार्थी आन्दोलनको जित, १४ वर्ष लामो शासनको अन्त्य

काठमाडौँ । सर्बियामा विद्यार्थीको नेतृत्वमा रहेको आन्दोलनले संसदीय निर्वाचनमा जित हासिल गरेको छ। यससँगै लामो समयदेखि सर्बियाको राजनीतिमा प्रभाव जमाउँदै आएको अलेक्जान्दर भुचिचको दल सत्ताबाट बाहिरिने भएको छ।

आइतबार भएको निर्वाचनमा विद्यार्थी समर्थित ‘स्टुडेन्ट लिस्ट’ ले बहुमत ल्याउने देखिएपछि भुचिचले आफ्नो दलले चुनाव हारेको स्वीकार गरेका छन्।

प्रारम्भिक अनुमानअनुसार २५० सदस्यीय संसद्मा विद्यार्थी समर्थित समूहले १३५ देखि १४० सिट जित्ने देखिएको छ। भुचिचको दलले भने करिब १०५ सिट पाउने अनुमान छ।

सन् २०२४ मा रेल्वे स्टेसनको छाना खस्दा १६ जनाको मृत्यु भएपछि सरकारविरुद्ध विद्यार्थी आन्दोलन सुरु भएको थियो। आन्दोलनकारीले भ्रष्टाचारको छानबिन र सरकारलाई जवाफदेही बनाउन माग गर्दै आएका थिए।

निर्वाचनको नतिजासँगै सर्बियाको राजनीतिमा नयाँ परिवर्तन आउने अपेक्षा गरिएको छ।