काठमाडौं । अष्ट्रेलियाका प्रधानमन्त्री एन्थोनी अल्बानिजले शुक्रबार नेपालका प्रधानमन्त्री वालेन शाहसँग फोनमा कुराकानी गरेका छन्। उनले भदौ १० गते रसुवाको भोटेकोशी नदीमा आएको विनाशकारी बाढीबाट भएको ठूलो क्षतिप्रति दुःख व्यक्त गर्दै नेपाललाई आवश्यक सहयोग गर्ने प्रतिबद्धता जनाएका छन्।
कुराकानीका क्रममा प्रधानमन्त्री शाहले विपद्को कठिन समयमा अष्ट्रेलियाले नेपाललाई दिएको साथ र सहयोगका लागि धन्यवाद दिए। उनले बाढीपछि उद्धार तथा राहतका लागि अष्ट्रेलियाले विशेषज्ञ ड्रोन टोली, आवश्यक राहत सामग्री र आर्थिक सहयोग पठाएकोमा विशेष आभार व्यक्त गरे।
प्रधानमन्त्री शाहले बाढीमा बेपत्ता भएका अष्ट्रेलियाली नागरिकको खोजी तीव्र रूपमा भइरहेको जानकारी पनि दिए। साथै, नेपाल र अष्ट्रेलियाबीचको लामो समयदेखिको राम्रो सम्बन्धलाई उल्लेख गर्दै आगामी दिनमा पनि उद्धार, राहत र पुनःस्थापनामा सहकार्य जारी राख्ने बताए।
प्रधानमन्त्री अल्बानिजले बाढीबाट भएको विनाशलाई सुनामीजस्तै गम्भीर भन्दै अष्ट्रेलिया नेपालसँगै रहेको बताए। उनले आवश्यक मानवीय सहायता, उपकरण र अन्य सहयोग उपलब्ध गराउने प्रतिबद्धता दोहोर्याए।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
