जेनजी आन्दोलनपछि पहिलोपटक सार्वजनिक भएका प्रचण्ड, नयाँ पार्टी भवन बनाउने घोषणा

काठमाडौँ ।  काठमाडौंमा केही समय अघि जेनजी (GenZ) आन्दोलनका कारण भएको हिंसात्मक घटनापछि पहिलोपटक माओवादी केन्द्रका अध्यक्ष पुष्पकमल दाहाल ‘प्रचण्ड’ सार्वजनिक रुपमा देखिएका छन्।

आज उनी पार्टीको केन्द्रीय कार्यालय पेरिसडाँडा पुगेका थिए र त्यहाँको अवस्था हेरे। उनले अब नयाँ र राम्रो कार्यालय भवन बनाउने घोषणा पनि गरे। उनका अनुसार देशभर र विदेशमा रहेका सबै पार्टी सदस्यहरूको सहयोगमा आधुनिक र भव्य पार्टी भवन बनाइनेछ।

जेनजी आन्दोलनको बेला माओवादी केन्द्रको कार्यालयमा आगो लगाइएको थियो। त्यसपछि स्थिति हिंसात्मक बनेपछि सुरक्षा दिन नेपाली सेनाले प्रचण्डलगायत नेताहरूलाई ब्यारेकमा राखेको थियो। हिजो मात्र माओवादी केन्द्रका बरिष्ठ उपाध्यक्ष नारायणकाजी श्रेष्ठले पनि कार्यालयको अवस्था अवलोकन गरेका थिए।