काठमाडौं । प्रधानमन्त्री बालेन शाहले नेपाल प्रिमियर लिग (एनपीएल) सुरु हुन लागेको अवसरमा नेपाली क्रिकेटलाई शुभकामना दिएका छन्।
उनले एनपीएल केही वर्षमै नेपालको ठूलो खेलकुद उत्सवका रूपमा स्थापित भएको बताएका छन्। प्रधानमन्त्री शाहले प्रतियोगितामा सहभागी हुन नेपाल आएका विदेशी खेलाडी र कमेन्टेटरलाई स्वागत गरेका छन्।
उनले नेपाली खेलाडी, प्रतियोगिताका आयोजक र नेपाल क्रिकेट संघ (क्यान) लाई पनि सफलताको शुभकामना दिएका छन्।
प्रधानमन्त्री शाहले एनपीएलले नेपाली क्रिकेटको विकासमा महत्वपूर्ण भूमिका खेलेको संकेत गर्दै प्रतियोगिताले खेलप्रेमीमा उत्साह थप्ने विश्वास व्यक्त गरेका छन्। उनले नेपाली क्रिकेटको भविष्य उज्ज्वल रहोस् भन्ने कामना गर्दै नेपाली क्रिकेटको सफलताका लागि शुभेच्छा व्यक्त गरेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
