को हुन् महोत्तरी–१ मा कांग्रेस उम्मेदवार मुकेश राज काफ्ले ?

काठमाडौँ । प्रतिनिधिसभा निर्वाचनका लागि महोत्तरी जिल्लाको क्षेत्र नम्बर १ बाट नेपाली कांग्रेसका तर्फबाट उम्मेदवारी दिएका मुकेश राज काफ्लेले आफ्नो औपचारिक उम्मेदवार विवरण सार्वजनिक गरेका छन्। ५१ वर्षीय काफ्ले पेशाले इन्जिनियर तथा अध्यापक हुन् भने उनले त्रिभुवन विश्वविद्यालयबाट विद्यावारिधी तहको अध्ययन पूरा गरेका छन्।

काठमाडौंमा जन्मिएका काफ्ले हाल महोत्तरीको बर्दिबास नगरपालिका–भरत स्थायी रूपमा बसोबास गर्दै आएका छन्। उनका पिता रुद्र प्रसाद काफ्ले हुन् भने पत्नी लिजा प्याकुरेल रहेको विवरणमा उल्लेख छ।

नेपाली कांग्रेसका उम्मेदवार काफ्लेले लामो समयदेखि इन्जिनियरिङ पेशा र शैक्षिक क्षेत्रमा आबद्ध रहँदै आएका उनले प्राविधिक ज्ञान र शैक्षिक अनुभवलाई राष्ट्रिय नीति निर्माण र विकासमा प्रयोग गर्ने प्रतिबद्धता व्यक्त गर्दै आएका छन्।

प्रतिनिधिसभा निर्वाचनमा महोत्तरी–१ बाट प्रतिस्पर्धामा उत्रिएका काफ्लेले विकास, सुशासन र दक्ष जनशक्तिको उपयोगमार्फत क्षेत्रको समग्र विकासमा योगदान दिने लक्ष्यसहित जनतासामु उपस्थित भएको बताएका छन्।

तत्कालीन प्रधानमन्त्री सुशील कोइरालाको नेतृत्वमा रहेको सरकारले मुकेश राज काफ्लेलाई नेपाल विद्युत् प्राधिकरणको कार्यकारी निर्देशकमा नियुक्त गरेको थियो। ऊर्जा क्षेत्रमा सुधार, संस्थागत व्यवस्थापन र प्राविधिक दक्षता अभिवृद्धि गर्ने उद्देश्यसहित काफ्लेलाई उक्त जिम्मेवारी दिइएको सरकारी निर्णयमा उल्लेख गरिएको थियो।

इन्जिनियरिङ पेशा र शैक्षिक क्षेत्रमा लामो अनुभव बोकेका काफ्लेले कार्यकारी निर्देशकका रूपमा प्राधिकरणको प्रशासनिक तथा प्राविधिक कार्य सुदृढ बनाउने जिम्मेवारी सम्हालेका थिए। उनको नियुक्तिलाई ऊर्जा क्षेत्रको व्यवस्थापन सुधारतर्फको एक महत्वपूर्ण कदमका रूपमा हेरिएको थियो।

नेपाल विद्युत् प्राधिकरणमा कार्यकारी निर्देशकको भूमिकामा रहँदा काफ्लेले नीतिगत सुधार, परियोजना कार्यान्वयन र संस्थागत क्षमता अभिवृद्धिमा जोड दिएको बताइन्छ।