हङकङ अपार्टमेन्ट आगलागी:मृत्यु हुनेको संख्या ९४ पुग्यो , ३०० जना भन्दा बढी बेपत्ता

एजेन्सी । हङकङमा बुधबार लागेको भीषण आगलागीमा परी मृत्यु हुनेको संख्या ९४ पुगेको छ भने ३०० जना भन्दा बढी बेपत्ता छन् । आगलागीमा परी ७६ जना घाइते भएका छन्, जसमध्ये धेरैको अवस्था गम्भीर छ । बुधबार दिउँसो लागेको आगो निभाउन ७६० भन्दा बढी अग्नि नियन्त्रक खटाइएको थियो। तस्बिरहरूमा भवनबाट ठूलो आगो र बाक्लो धुवाँ निस्किरहेको देखिन्थ्यो, जसले शहरको आकाशसम्म धुम्म बनाएको थियो। स्थानीय मिडियाका अनुसार, आगलागीमा कुनै ठूलो अपराध ९नरसंहार० भएको आशंकामा ३ जनालाई पक्राउ गरेर अनुसन्धान भइरहेको छ। आगो वाङ फुक कोर्ट भन्ने आवास क्षेत्रमा दिउँसो २स्५१ बजे लागेको थियो।

अग्निशमन विभागले यसलाई पाँचौँ स्तर ९सबैभन्दा गम्भीर० को आगलागी घोषणा गरेको थियो। आगोको कारण स्पष्ट नभए पनि भवनहरू पुनर्निर्माण हुँदैथिए र बाहिर रहेको बाँसको मचानबाट आगो छिटो फैलिएको अनुमान गरिएको छ। अस्पतालमा ४५ जना गम्भीर घाइते छन्। घाइतेहरूलाई विभिन्न अस्पतालमा सारिएको छ। मृतकमध्ये एक ३७ वर्षीय अग्निनियन्त्रक समेत थिए। उनी केही समय सम्पर्कविहीन भएपछि ढलेको अवस्थामा भेटिएका थिए।