भागबण्डामा देउवाले एकलौटी गरे, निर्वाचनमा ४० प्रतिशत भाग माग्छौँ : शेखर समुह

काठमाडौँ, २८ श्रावण । शेखर कोइराला समूहले पार्टी सभापति समेत रहेका प्रधानमन्त्री शेरबहादुर देउवाले एकलौटीरुपमा सरकार चलाएको आरोप लगाएको छ। बत्तिसपुतलीमा शनिबार भएको भेलाले सभापति देउवाले न्यायोचित व्यवहार नगरेको आरोप लगाउदै अब भागवण्डा खोज्नुपर्नै निष्कर्ष निकालेको छ ।

पार्टीको भागमा पर्ने सिटको ४० प्रतिशत सिट आफ्नो समूहलाई दिनुपर्ने उनीहरूको माग छ ।

बैठकपछि नेता गुरुराज घिमिरेले ८ महिनामा भएका दर्जन निर्णयमा प्रतिस्पर्धी समूहका एक जनालाई पनि नसमेटेको बताउनुभयो ।

घिमिरेले राष्ट्रियसभाको निर्वाचन, स्थानीय तह निर्वाचन केन्द्रीय समिति सदस्य मनोनयन, भ्रातृ संस्थाको अध्यक्ष मनोनयनमा प्रतिस्पर्धी समूहका व्यक्तिसँग सल्लाह पनि नगरेको आरोप लगाउदै अब आफनो भागमा पर्नै भाग खोज्ने बताए ।

भेलामा केन्द्रीय सदस्य प्रतिमा गौतम, मधु आचार्य, गुरु घिमिरे, मनोजमणि आचार्य, केशव सिंह, रञ्जित कर्ण, सुवास पोख्रेल, डिल्लीराम सुवेदी, गोमा केसी, कुसुम थापासहित ८० जनाको उपस्थिति थियो।