काठमाडौँ । त्रिभुवन विश्वविद्यालय (त्रिवि) मा नयाँ शिक्षाध्यक्ष र रजिस्ट्रार नियुक्त भएका छन्। प्रा. अञ्जना सिंहलाई शिक्षाध्यक्ष र प्रा. रवीन्द्र शिवाकोटीलाई रजिस्ट्रारको जिम्मेवारी दिइएको हो। उपकुलपतिको सिफारिसका आधारमा त्रिविका कुलपति तथा प्रधानमन्त्री बालेन्द्र शाहले उनीहरूलाई नियुक्त गरेका हुन्। सिंह र शिवाकोटीले आज दिउँसो ३ बजे पद तथा गोपनीयताको शपथ लिने कार्यक्रम रहेको छ।
नवनियुक्त रजिस्ट्रार शिवाकोटी त्रिभुवन विश्वविद्यालयको शिक्षा शास्त्र संकायका प्राध्यापक हुन्। त्यस्तै, शिक्षाध्यक्ष सिंह विज्ञान संकायमा प्राध्यापन गर्दै आएकी प्राध्यापक हुन्। त्रिविका नयाँ पदाधिकारी नियुक्त भएसँगै विश्वविद्यालयको प्रशासनिक कामले गति लिने अपेक्षा गरिएको छ।
यसअघि सरकारले गत वैशाखमा अध्यादेश ल्याएर त्रिभुवन विश्वविद्यालयका तत्कालीन पदाधिकारीहरूलाई पदबाट हटाएको थियो। त्यसपछि रिक्त रहेका महत्वपूर्ण पदमा अहिले नयाँ पदाधिकारी नियुक्त गरिएको हो।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
