पूर्णबहादुर खड्काको नेतृत्वमा कांग्रेस सरकारमा जाने

काठमाडौँ, १२ चैत । नेपाली कांग्रेस उपसभापति पूर्णबहादुर खड्काको नेतृत्वमा सरकारमा जाने भएको छ।

पार्टी सभापति निवास धुम्बाराहीमा शनिबार बसेको कांग्रेस पदाधिकारी बैठकले खड्काको नेतृत्वमा सरकारमा जाने बारे छलफल भएको हो । आज सभापति, उपसभापति र महामन्त्रीको छुट्टै बैठक बसेर औपचारिक निर्णय गर्ने बैठकमा सहभागी एक नेताले जानकारी दिए।

बैठकपछि पार्टी प्रवक्ता डा प्रकाश शरण महतले गठबन्धनमा रहेका दलहरूले मन्त्रिपरिषदमा आफ्नै दावी गरिरहेको अवस्थामा कांग्रेसले पनि ठूलो दलको हैसियतले सम्मानजनक संख्या पाउनुपर्ने बताए ।

कांग्रेसले अर्थ मन्त्रालय सहित ८ मन्त्रालयमा दाबाी गर्ने भएको छ। गठबन्धनमा कांग्रेसले सात मन्त्रालय पाउने र आठ मन्त्रालयका लागि प्रयास गरिरहेको बताइएको छ।

खड्कालाई उपप्रधानमन्त्रीसहित अर्थ वा रक्षा मन्त्रीको जिम्मेवारी दिएर सरकारमा पठाउने तयारी सभापति देउवाले गरेका छन् । तर सपसभापति खड्काले भने आफु सरकारमा नजाने सार्वजनिक रुपमा बताउदै आएका छन् । यदि उनले सरकारमा कांग्रेसको नेतृत्व गरेर नगए नेता प्रकाशमान सिंहलाई जिम्मेवारी दिएर सरकारमा पठाउने तयारी भईरहेको स्रोतले बतायो ।