काठमाडौं । सिटी एक्सप्रेस मनि ट्रान्सफरले साउदी अरबमा कमाएको पैसा नेपालमा पठाउनका लागि नयाँ र सुविधाजनक उपायहरू उपलब्ध गराउदै आएको छ। कम्पनीले हालै घोषणा गरेको छ कि अब ग्राहकहरूले सिटी एक्सप्रेस मनि ट्रान्सफरको माध्यमबाट आफ्नो प्रियजन र आफन्तहरूलाई सजिलै पैसा पठाउन सक्नेछन्।
सिटी एक्सप्रेस मनि ट्रान्सफरका अनुसार, नेपालभर २५,००० भन्दा बढी भुक्तानी केन्द्रहरूको सञ्जाल रहेको छ, जसले ग्राहकहरूलाई आफ्नो पैसा सहज रूपमा पठाउनको सुविधा प्रदान गर्दछ। यसबाहेक, सिटी पे वालेट लगायत अन्य सबै वालेटमा सजिलै पैसा जम्मा गर्न सकिने व्यवस्था गरिएको छ।
ग्राहकहरूले एसएमएस मार्फत लेनदेनको स्थिति र जानकारी प्राप्त गर्न सक्नेछन्, जसले गर्दा ट्रान्सफरको प्रक्रिया बारे स्पष्टता र जानकारी रहन्छ। नेपालमा रहेका परिवारहरूले कुनै झन्झट बिना पैसा निकासी गर्न सक्ने व्यवस्था गरिएको छ, जसले ग्राहकहरूको सुविधा र सहजता सुनिश्चित गरेको छ।
सिटी एक्सप्रेस मनि ट्रान्सफरको यस सुरक्षित र भरपर्दो सेवाले साउदी अरबमा काम गरिरहेका नेपाली श्रमिकहरूलाई आफ्ना परिवारहरूसँग आर्थिक सहयोग प्रदान गर्नका लागि सरल र विश्वसनीय विकल्प उपलब्ध गराएको छ।
सिटी एक्सप्रेस मनि ट्रान्सफरको यो सेवा सुविधा ग्राहकहरूको आवश्यकता र अपेक्षाहरूलाई पूरा गर्नमा योगदान पुर्याउने अपेक्षा गदै आएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
