काठमाडौँ । रसुवाको भोटेकोशी बाढीमा परी निधन भएकाहरूको पशुपति क्षेत्रस्थित आर्यघाट तथा भष्मेश्वर घाटमा निःशुल्क दाहसंस्कार गरिने भएको छ। विपद्का कारण निधन भएका व्यक्तिका परिवारलाई सहयोग पुर्याउने उद्देश्यले पशुपति क्षेत्र विकास कोषले दाहसंस्कारको आवश्यक व्यवस्था मिलाएको हो।
पशुपति क्षेत्र विकास कोष, सञ्चालक परिषद्का सदस्य केदारमान भण्डारीका अनुसार बाढीमा परी निधन भएकाको दाहसंस्कारका लागि घाटमा आवश्यक व्यवस्थापन गरिएको छ। विपद्को अवस्थामा पीडित परिवारलाई सहजीकरण गर्ने उद्देश्यले कोषले यस्तो व्यवस्था गरेको उनले बताए।
निःशुल्क दाहसंस्कारसम्बन्धी आवश्यक समन्वय तथा व्यवस्थापनका लागि शरदराज वैद्यलाई सम्पर्क गर्न कोषले आग्रह गरेको छ। उनका अनुसार वैद्यसँग ९८४१२२९९९४ नम्बरमा सम्पर्क गर्न सकिनेछ।
दाहसंस्कार तथा अन्य व्यवस्थापनसम्बन्धी थप जानकारी आवश्यक परे पशुपति क्षेत्र विकास कोषको कार्यालयमा समेत सम्पर्क गर्न सकिने जनाइएको छ।
विपद्का कारण शोकमा परेका परिवारलाई तत्काल सहयोग पुर्याउनुका साथै कठिन परिस्थितिमा एकअर्कालाई सहयोग गर्ने मानवीय भावनालाई प्रोत्साहन गर्न निःशुल्क दाहसंस्कारको व्यवस्था गरिएको सदस्य भण्डारीले बताए।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
