दोस्रो इन्टर–कलेज गर्ल्स बास्केटबल प्रतियोगिता २०२५ सम्पन्न, गोल्डेनगेटले जित्यो उपाधि

काठमाडौं, पुस २१ — ललितपुरको सिद्धिपुरस्थित रोयल बास्केटबल एकेडेमीमा आयोजना गरिएको दोस्रो इन्टर–कलेज गर्ल्स बास्केटबल टुर्नामेन्ट २०२५ सफलतापूर्वक सम्पन्न भएको छ। प्रतिस्पर्धात्मक अन्तिम खेलमा गोल्डेनगेट इन्टरनेशनल कलेज विजयी बन्दै उपाधि हात पार्न सफल भयो। यसैगरी जेभियर इन्टरनेशनल कलेज प्रथम रनर–अप र ल्यान्डमार्क एकेडेमी द्वितीय रनर–अप बने।

यो प्रतियोगिता प्रोफेशनल एजुकेशन कन्सल्टेन्सी तथा अष्ट्रेलियन क्याथोलिक युनिभर्सिटी  को संयुक्त आयोजनामा सम्पन्न भएको हो। तीन दशकभन्दा बढी समयदेखि शैक्षिक सेवा प्रदान गर्दै आएको  पछिल्ला वर्षहरूमा महिला खेलकुद प्रवर्द्धनमा निरन्तर सक्रिय रहँदै आएको छ। क्रिकेट तथा बास्केटबल क्षेत्रमा महिलाको सहभागिता विस्तार गर्न संस्थाले दीर्घकालीन सहकार्य गर्दै आएको उल्लेख गरिएको छ।

नेपाल महिला राष्ट्रिय क्रिकेट टिमकी कप्तान इन्दु वर्मा हालकी ब्रान्ड एम्ब्यासडर रहेकाले संस्थाको महिला खेल विकासप्रति समर्पण स्पष्ट देखिन्छ। उद्घाटन समारोहमा अष्ट्रेलियन क्याथोलिक युनिभर्सिटीकी अनुष्का श्रेष्ठले नेतृत्व, अनुशासन र आत्मविश्वास विकासमा खेलकुदको भूमिका महत्वूर्ण रहेको बताउँदै युवतीहरूलाई थप अवसर उपलब्ध गराउनुपर्ने धारणा राखिन्।

यस वर्ष ८ कलेजका टोलीहरूको सहभागिता रहेको यो प्रतियोगिता मङ्सिर १६ देखि २१ गतेसम्म सञ्चालन भयो। आयोजकले महिला सशक्तीकरणका लागि आगामी वर्षहरूमा पनि प्रतियोगिता निरन्तर सञ्चालन गर्ने प्रतिबद्धता व्यक्त गरेका छन्।