फरार प्रतिवादी नियन्त्रणमा नेपाल प्रहरीको सक्रियता, ११ हजार बढी पक्राउ,जरिवाना ७ करोड माथि सङ्कलन

काठमाण्डौ। नेपाल प्रहरीले आ.व. २०८२/०८३ माघ महिनामा फरार रहेका प्रतिवादीहरुको पक्राउ तथा फैसला कार्यान्वयन सम्बन्धी तथ्यांक सार्वजनिक गरेको छ। उक्त अवधिमा सबै प्रदेशमा सक्रियता बढाइ ११,७४२ जनालाई पक्राउ गरिएको छ।

प्रदेश अनुसार विवरणमा, कोशी प्रदेशबाट ३०२ जनालाई पक्राउ गरी रु १,१३,४१,५७५ जरिवाना सङ्कलन गरिएको छ। मधेश प्रदेशबाट ३६३ जनालाई पक्राउ गरी रु ४७,४३,७८१ जरिवाना संकलन गरिएको छ। बागमती प्रदेशमा ३३९ जना र रु ७७,३०,०८६ जरिवाना, गण्डकी प्रदेशमा ८ जना र रु २७,८४,८६२ जरिवाना, लुम्बिनी प्रदेशमा १८९ जना र रु ७५,५२,९८८ जरिवाना, कर्णाली प्रदेशमा ३५ जना र रु ११,९८,८४३ जरिवाना, सुदूरपश्चिम प्रदेशमा ११४ जना र रु ६,७२,३७८ जरिवाना तथा काठमाडौं उपत्यकाबाट ८८३ जनालाई पक्राउ गरी रु ३,०३,०६,५७२ जरिवाना सङ्कलन गरिएको छ।

केन्द्रीय अनुसन्धान व्यूरोले पनि फरार प्रतिवादी ८ जनालाई पक्राउ गरी रु ५८,०४,५०० जरिवाना संकलन गरेको छ। पक्राउ परेका सबैलाई गरी कुल ५७० वर्ष ७ महिना २१ दिन कैद सजाय र ७ करोड २१ लाख ३५ हजार ५८४ रुपैयाँ जरिवाना निर्धारण गरिएको छ।

प्रहरीका अनुसार फरार प्रतिवादी नियन्त्रण र फैसला कार्यान्वयनलाई प्रभावकारी बनाउँदा अपराध नियन्त्रणमा उल्लेखनीय योगदान पुगिरहेको छ। यसका साथै प्रदेश र केन्द्रीय तहमा समन्वय वृद्धि भई कानुनी प्रक्रिया द्रुतगतिमा अघि बढेको प्रहरी स्रोतले जनाएको छ।

यो तथ्यांकले देशभरिका विभिन्न अपराधका घटनामा प्रहरीले कडा निगरानी राख्दै कानुनी व्यवस्थालाई प्रभावकारी रूपमा लागू गर्दै आएको देखाउँछ।