सीमा विवादबारे प्रधानमन्त्रीले बोलेको नै सत्य हो,आवश्यक परे फेरि उत्तर दिनुहुन्छ :प्रवक्ता सस्मित पोखरेल

काठमाडौँ । प्रधानमन्त्री वालेन्द्र शाहले संसदमा दिएको भारतसँग सम्बन्धित अभिव्यक्तिबारे सरकारले स्पष्टीकरण दिएको छ। सरकारका प्रवक्ता सस्मित पोखरेलले मंगलबार मन्त्रिपरिषद् निर्णय सार्वजनिक गर्दै प्रधानमन्त्रीको भनाइलाई गलत बुझिएको बताएका छन्।

उनका अनुसार प्रधानमन्त्रीले नेपालले भारतको भूमि कब्जा गरेको भन्न खोजेका होइनन्, बरु यस्तो दाबी भारतबाटै आएको सुन्दा आफू अचम्मित भएको प्रतिक्रिया मात्र दिएका हुन्।

यसअघि आइतबार प्रतिनिधिसभामा प्रधानमन्त्री शाहले नेपाल–भारत सीमा विवादबारे बोल्दै, आफू प्रधानमन्त्री भएपछि मात्र भारतले मात्रै होइन, नेपालले पनि भारतको भूमि मिचेको भन्ने कुरा थाहा पाएको बताएका थिए। उनले यस विषयमा आवश्यक परे फेरि पनि स्पष्ट जवाफ दिने बताएका थिए।

प्रधानमन्त्रीको यो अभिव्यक्तिलाई लिएर अहिले विभिन्न पक्षबाट आलोचना भइरहेको छ। विवाद बढेपछि सरकारले स्पष्ट पार्दै प्रधानमन्त्रीको भनाइलाई तोडमोड गरिएको दाबी गरेको छ र उनले केवल आश्चर्य व्यक्त गरेको मात्र जनाएको छ।