सुनको मूल्य ८ हजार ८०० रुपैयाँले घट्यो

काठमाडौं । नेपाली बजारमा आज सुन र चाँदीको मूल्यमा ठूलो गिरावट आएको छ। सुनको मूल्य प्रतितोला ८ हजार ८०० रुपैयाँले घटेको छ भने चाँदीको मूल्य प्रतितोला १८५ रुपैयाँले सस्तिएको छ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९७ हजार ३०० रुपैयाँ कायम भएको छ। त्यस्तै, चाँदीको मूल्य प्रतितोला ४ हजार ५८० रुपैयाँ पुगेको छ।

यसअघि मंगलबार छापावाल सुन प्रतितोला ३ लाख ६ हजार १०० रुपैयाँमा कारोबार भएको थियो। त्यस्तै, चाँदीको मूल्य प्रतितोला ४ हजार ७६५ रुपैयाँ थियो।

एकै दिन सुन र चाँदीको मूल्य घटेपछि बजारमा यसको प्रभाव परेको छ। सुन किन्ने ग्राहकका लागि भने आजको मूल्य केही सस्तो भएको छ।