एनपीएलमा आज दुई खेल हुँदै, जनकपुर–काठमाडौं र विराटनगर–कर्णाली भिड्दै

काठमाडौँ । नेपाल प्रिमियर लिग (एनपीएल) को तेस्रो संस्करणमा आज दुई खेल हुँदैछन्। कीर्तिपुरस्थित त्रिवि क्रिकेट मैदानमा हुने दुवै खेलमा टोलीहरू जित निकाल्ने लक्ष्यसहित मैदानमा उत्रिनेछन्।

आज दिउँसो १२:३० बजे हुने पहिलो खेलमा जनकपुर बोल्ट्स र काठमाडौं गोर्खाज आमनेसामने हुनेछन्। पहिलो खेलमा कर्णाली याक्ससँग १९ रनले पराजित भएको जनकपुर आज जित निकाल्दै प्रतियोगितामा फर्किन चाहन्छ। काठमाडौं भने प्रतियोगिताको पहिलो खेलमै जित हासिल गर्ने लक्ष्यमा छ।

त्यस्तै, आजै साँझ ५ बजे विराटनगर किंग्स र कर्णाली याक्सबीच दोस्रो खेल हुनेछ। पहिलो खेलमा जनकपुरलाई हराएको कर्णाली लगातार दोस्रो जितको खोजीमा छ। विराटनगर भने पहिलो खेलमा चितवन राइनोजसँग ८ विकेटले पराजित भएपछि आज जित निकाल्न चाहन्छ।