विद्युतीय सवारीको ‘ग्रीन सपनामा’ ग्राउन्ड रियलिटीको झट्का, पूर्वाधार अझै कमजोर

काठमाडौं। पेट्रोलियम पदार्थको मूल्यवृद्धि र विद्युतीय सवारी (ईभी)प्रतिको आकर्षण बढ्दै जाँदा देशभर ईभी प्रयोगकर्ताको संख्या उल्लेख्य रूपमा बढिरहेको छ। तर, आवश्यक पूर्वाधार र निरन्तर विद्युत् आपूर्तिको अभावका कारण मुख्य राजमार्गहरूमा यात्रा गर्ने प्रयोगकर्ताहरूले कठिनाइ भोग्नुपरेको छ।

विशेषगरी पृथ्वी राजमार्गअन्तर्गत धादिङ क्षेत्रका यात्रुहरू बढी प्रभावित भएका छन्। उक्त क्षेत्रमा विद्युत् लाइन अवरुद्ध हुँदा र नियमित आपूर्ति नहुँदा चार्जिङ स्टेशनहरू सञ्चालनमा समस्या आएको स्थानीय स्रोतहरूले जनाएका छन्।

विद्युत् आपूर्ति बन्द हुँदा चार्जिङ स्टेशनहरू समेत ठप्प हुने अवस्था सिर्जना भएको छ, जसका कारण लामो दूरीका ईभी प्रयोगकर्ताहरू यात्राको बीचमै चार्ज सकिने समस्यामा पर्ने गरेका छन्। यस्तो अवस्थामा यात्रुहरूले वैकल्पिक सम्पर्क र सहायताका लागि मोबाइलमार्फत जानकारी लिन बाध्य हुनुपरेको देखिन्छ।

यसैबीच, सांसद आशिका तामाङले संसदमा बोल्दै ईभी पूर्वाधार र चार्जिङ नेटवर्कको कमजोर अवस्थाप्रति ध्यानाकर्षण गराएको प्रसंग समेत सार्वजनिक चर्चामा आएको छ। उनले विद्युतीय सवारी प्रवर्द्धनसँगै स्थिर विद्युत् आपूर्ति र भरपर्दो चार्जिङ पूर्वाधार विस्तार नगरेसम्म यात्रुहरूले थप समस्या भोग्नुपर्ने अवस्था रहने बताएको उल्लेख गरिएको छ।

 ईभी प्रवर्द्धनको गति बढिरहे पनि चार्जिङ नेटवर्क, स्थिर विद्युत् आपूर्ति र आपतकालीन व्यवस्थापन प्रणाली कमजोर हुँदा दीर्घ दूरी यात्रामा चुनौती थपिएको छ। उनीहरूले पूर्वाधार विकासलाई प्राथमिकतामा राख्न आवश्यक रहेको औंल्याएका छन्।

संसदमा आशिका तामाङले बोल्दै गर्दा सभामुखले माइक समेत काटेका छन्।

“Because अब समय नै जम्मा एक मिनेट छ, बोल्दाबोल्दै जान्छ। अनि म के भन्न चाहन्छु भने अहिले पेट्रोल महँगो छ, डिजेल महँगो छ, अनि सबैले अहिले EV गाडी अर्थात् electric vehicle प्रयोग गर्नुहुन्छ। अनि यो प्रयोग गर्ने क्रममा यात्रा गर्दा यसको चार्ज सकिएर जान्छ। अनि त्यसपछि धादिङ क्षेत्र, जुन पृथ्वी राजमार्ग नम्बर एकमा पर्छ, त्यहाँका प्रयोगकर्ताहरू समस्यामा पर्नुहुन्छ because त्यहाँ लाइन छैन। लाइन नभएपछि के हुन्छ? अब चार्जिङ स्टेशन बन्द हुन्छ। बन्द भएपछि उहाँहरूले मोबाइल खोलेर सम्पर्क गर्न खोज्नुहुन्छ आफ्ना…”