आईएमई लाइफ इन्स्योरेन्सद्वारा न्यूरो डेभलपमेन्टल समस्या भएका बालबालिकालाई उपचार सहयोग

काठमाडौं । आईएमई लाइफ इन्स्योरेन्सले आफ्नो संस्थागत सामाजिक उत्तरदायित्व (सीएसआर) अन्तर्गत बालक्ष्य डेभलपमेन्ट एण्ड केयर प्रा.लि.लाई आर्थिक सहयोग प्रदान गरेको छ। उक्त सहयोग न्यूरो डेभलपमेन्टल डिसअर्डरबाट प्रभावित बालबालिकाको उपचार तथा पुनर्स्थापना सेवामा उपयोग गरिने  छ।

कम्पनीले उक्त संस्थालाई रु. ३ लाख आर्थिक सहयोग उपलब्ध गराएको हो। सहयोग रकममार्फत प्रभावित बालबालिकाले आवश्यक थेरापी तथा विशेष हेरचाह सेवा प्राप्त गर्नेछन्। समयमै उपचार र पुनर्स्थापना सेवा उपलब्ध हुन सकेमा बालबालिकाको शारीरिक, मानसिक तथा सामाजिक विकासमा सकारात्मक प्रभाव पर्ने छ।

बालक्ष्य डेभलपमेन्ट एण्ड केयरले विशेष आवश्यकता भएका बालबालिकाका लागि मूल्यांकन, परामर्श, थेरापी तथा पुनर्स्थापना सेवाहरू प्रदान गर्दै आएको छ। संस्थाको विशेषज्ञ सेवा र आईएमई लाइफको सामाजिक प्रतिबद्धताले बालबालिकाको जीवनस्तर सुधारमा महत्वपूर्ण योगदान पुग्ने  छ।

आईएमई लाइफ इन्स्योरेन्सले ‘भविष्य सुनिश्चित गर्ने’ मूलमन्त्रलाई आत्मसात गर्दै स्वास्थ्य, शिक्षा, वित्तीय साक्षरता तथा सामाजिक उत्थानका क्षेत्रमा निरन्तर योगदान पुर्‍याउँदै आएको जनाएको छ।