काठमाडौं। आइएमई ग्रुपद्वारा प्रवर्द्धित ६६ मेगावाट क्षमताको मध्य कालीगण्डकी जलविद्युत् आयोजनाको स्थलगत अवलोकन गरिएको छ। माननीय के.पी. खनाल तथा राष्ट्रिय स्वतन्त्र पार्टीका केन्द्रीय समिति सदस्य मोहनजंग थापासहितको टोलीले आयोजनास्थल पुगेर निर्माण प्रगति, व्यवस्थापन तथा समग्र कार्यान्वयन अवस्थाबारे जानकारी लिएको हो।
अवलोकनका क्रममा टोलीले आयोजनाको हालसम्मको निर्माण प्रगति, प्राविधिक पक्ष, कार्यान्वयनको अवस्था तथा परियोजनासँग सम्बन्धित विभिन्न विषयमा चासो व्यक्त गरेको जनाएको छ। टोलीले आयोजना समयमै सम्पन्न गर्न भइरहेका प्रयास तथा आगामी कार्ययोजनाबारे समेत जानकारी लिएको थियो।
आयोजना व्यवस्थापन पक्षले सरोकारवालाबाट प्राप्त सुझाव, चासो र जिज्ञासाले परियोजना निर्धारित समयसीमा भित्र सम्पन्न गर्ने प्रतिबद्धतालाई थप बल पुगेको जनाएको छ। साथै आयोजनालाई तोकिएको समय, बजेट र गुणस्तरीय मापदण्डअनुसार सफलतापूर्वक सम्पन्न गर्न आफूहरू पूर्ण रूपमा प्रतिबद्ध रहेको उल्लेख गरिएको छ।
मध्य कालीगण्डकी जलविद्युत् आयोजना ऊर्जा उत्पादन वृद्धि तथा राष्ट्रिय ऊर्जा सुरक्षामा महत्वपूर्ण योगदान पुर्याउने अपेक्षा गरिएको परियोजनामध्ये एक मानिन्छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
