एजेन्सी । सर्बियाका राष्ट्रपति आलेक्सान्दार भुचिचले केही हप्ताभित्र आफ्नो पदबाट राजीनामा दिने घोषणा गरेका छन्। डेढ वर्षदेखि देशभर चलिरहेको सरकार विरोधी आन्दोलन र दबाबपछि उनले यस्तो निर्णय गरेका हुन्।
यो आन्दोलन सन् २०२४ मा नोभी साद शहरमा भएको रेलवे स्टेसन दुर्घटनापछि सुरु भएको थियो, जहाँ १६ जनाको मृत्यु भएको थियो। त्यस घटनापछि सरकारमाथि लापरवाही र भ्रष्टाचारको आरोप लाग्दै देशभर प्रदर्शन बढेको थियो।
राजधानी बेलग्रेडमा आयोजित एक र्यालीमा भुचिचले आफू चाँडै राष्ट्रपति पद छोड्ने र त्यसपछि देशलाई नयाँ राष्ट्रपति र संसदको चुनावतर्फ लैजाने बताएका छन्। तर राजनीतिक विश्लेषकहरूका अनुसार उनी पूर्ण रूपमा राजनीतिबाट बाहिरिने होइनन्, बरु अर्को योजना बनाइरहेका हुन सक्छन्।
विश्लेषकहरूको भनाइमा भुचिचले राष्ट्रपति पद छोडेर आफ्नो निकट सहयोगीलाई त्यो पदमा ल्याउने र त्यसपछि संसदीय चुनाव जितेर फेरि प्रधानमन्त्रीका रूपमा सत्तामा फर्कने रणनीति बनाउन सक्ने आशंका छ।
प्रदर्शनकारीहरूले भने आन्दोलन जारी राख्ने बताएका छन्। उनीहरूको माग अनुसार वास्तविक परिवर्तन नभएसम्म आन्दोलन नरोकिने चेतावनी दिएका छन्। उनीहरूले सरकार अझै पनि पूर्ण रूपमा परिवर्तन नहुने डर व्यक्त गरेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
