काठमाडौँ । भोटेकोशी बाढी र पहिरोका कारण सडक अवरुद्ध भएपछि हेटौँडाबाट काठमाडौँ जाने सवारीसाधनका लागि प्रहरीले नयाँ रुट तोकेको छ। दश चक्कासम्मका ठूला मालवाहक तथा यात्रुवाहक गाडी काठमाडौँ जाँदा त्रिभुवन राजपथ हुँदै जानुपर्नेछ। फर्किँदा भने कान्ति राजमार्ग प्रयोग गर्नुपर्नेछ। कान्ति राजमार्गबाट हेटौँडा आउने यात्रुवाहक गाडी साँझ ६ बजेसम्म ठिंगन चेकपोस्ट पार गरिसक्नुपर्नेछ।
१४ सिटभन्दा कमका साना यात्रुवाहक गाडी काठमाडौँबाट हेटौँडा आउँदा फर्पिङ–फाखेल–कुलेखानी–भीमफेदी र काठमाडौँ जाँदा भीमफेदी–कुलेखानी–सिस्नेरी–दक्षिणकाली रुट प्रयोग गर्नुपर्नेछ।
त्रिखण्डीको कमजोर बेलिब्रिजमा इन्धन र भारी गाडी चलाउन रोक लगाइएको छ। यस्ता गाडीले छेउको डाइभर्सन प्रयोग गर्नुपर्नेछ।
प्रहरीले अत्यावश्यक अवस्थामा मात्र यात्रा गर्न, ओभरटेक नगर्न र सुरक्षाकर्मीको निर्देशन पालना गर्न आग्रह गरेको छ। बाढी र पहिरोका कारण धादिङको कृष्णभिर र परेवाभिरमा सडक पूर्ण रूपमा अवरुद्ध छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
