प्रधानमन्त्री बालेन शाह र भारतीय सेना प्रमुख सेठबीच आज भेटवार्ता हुँदै

काठमाडौं । प्रधानमन्त्री बालेन शाह र भारतीय स्थल सेना प्रमुख धिरज सेठबीच आज दिउँसो साढे २ बजे सिंहदरबारमा भेटवार्ता हुने भएको छ। चारदिने नेपाल भ्रमणमा रहेका सेठ आइतबार काठमाडौं आएका हुन्।

यसअघि सोमबार राष्ट्रपति रामचन्द्र पौडेलले उनलाई नेपाली सेनाको मानार्थ प्रधानसेनापतिको दर्ज्यानी चिह्न प्रदान गरेका थिए। त्यसपछि सेठले नेपाली सेनाका प्रधानसेनापति अशोकराज सिग्देलसँग पनि भेट गरी दुई देशबीचको सैन्य सम्बन्धबारे छलफल गरेका थिए।

प्रधानमन्त्री बालेन शाहले जिम्मेवारी सम्हालेपछि भारतबाट नेपाल आउने सेठ अहिलेसम्मकै उच्च तहका अधिकारी हुन्। आज प्रधानमन्त्री शाहसँग भेट गरेपछि सेठ भोलि बुधबार भारत फर्किने कार्यक्रम रहेको छ। भ्रमणका क्रममा दुई देशबीचको सुरक्षा तथा सैन्य सहकार्यबारे समेत छलफल हुने अपेक्षा गरिएको छ।