काठमाडौँ । सर्वोच्च अदालतले न्याय सेवामा कार्यरत ३४ जना कर्मचारीको काज सरुवा गरेको छ।
सर्वोच्च अदालतको असोज १३ गते बसेको निर्णयअनुसार रजिस्ट्रार, सह–रजिस्ट्रार, स्रेस्तेदार, तहसिलदार, शाखा अधिकृत तथा इजलास अधिकृतलगायत विभिन्न तहका कर्मचारीलाई काजमा खटाइएको हो।
निर्णयअनुसार ती कर्मचारीलाई सर्वोच्च अदालतसहित विभिन्न उच्च अदालत तथा जिल्ला अदालतमा काज सरुवा गरिएको छ। अदालतको प्रशासनिक तथा न्यायिक कार्यसम्पादनलाई प्रभावकारी बनाउन आवश्यकताका आधारमा कर्मचारीलाई विभिन्न अदालतमा जिम्मेवारी तोकिएको जनाइएको छ।
काज सरुवामा न्याय सेवाअन्तर्गत विभिन्न पदमा कार्यरत कर्मचारीहरू समेटिएका छन्। सम्बन्धित अदालतमा खटिएका कर्मचारीले तोकिएको जिम्मेवारीअनुसार कार्यसम्पादन गर्नेछन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
