काठमाडौँ । चार दिनदेखि लगातार परेको वर्षापछि आइतबार काठमाडौँ उपत्यकाको मौसम खुलेको छ। दिउँसोदेखि घाम लागेसँगै वर्षाका कारण प्रभावित बनेको उपत्यकाको जनजीवन क्रमशः सामान्य बन्दै गएको छ।
लगातारको वर्षाका कारण बागमती, विष्णुमतीलगायत नदी तथा खोलामा पानीको बहाव बढेको थियो। वर्षाका कारण उपत्यकाका विभिन्न स्थानमा सडक तथा यातायात सेवासमेत प्रभावित भएका थिए।
आइतबार दिउँसोदेखि मौसममा सुधार आएपछि सडकमा सवारीसाधनको आवागमन बढेको छ। पैदलयात्रुको चहलपहलसमेत बढ्दै गएपछि उपत्यकाको दैनिक गतिविधि सामान्य अवस्थामा फर्किन थालेको देखिएको छ।
वर्षाका कारण नदी तथा खोलाको जलस्तर बढेकाले जोखिम कायमै रहे पनि मौसम खुलेसँगै सर्वसाधारणलाई दैनिक कामकाजमा सहजता भएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
