संविधान दिवसको अवसरमा राष्ट्रपतिद्धारा टीकापुर घटनाका कैदी बन्दी रिहा

काठमाडौं, असोज ३ | संविधान दिवसको अवसरमा राष्ट्रपति रामचन्द्र पौडेलले टीकापुर घटनाका सबै कैदी बन्दी रिहा गरेका छन् ।फौजदारी कसुर  ऐन २०७४ अनुसार उनीहरूको बाँकी कैद माफ गरिएको हो ।

रिहा हुनेमा जानकी गाउँपालिका  लट्कनियाका  प्रदीप चौधरी  , मोतीपुरका हरिनारायण चौधरी,  टीकापुर नगरपालिका  ठाह्रापुरका वीरबहादुर चौधरी रहेका छन् । यस बेला तत्कालीन अवस्थामा नाबालक रही पोखरा सुधार गृहमा आफनो सजाय काटिरहेका श्रवणकुमार चौधरी पनि रिहा भएका छन् । सो मुद्दामा ३ तहको अदालतबाट दोषी ठहर भएका रेशमलाल चौधरीलाई राष्ट्रिय गणतन्त्र दिवसको अवसरमा गत जेठ १५ गते कैद मुक्त गरिएको थियो ।

रिहा भएका कैदीहरूको नागरिक उन्मुक्ति पार्टीका अध्यक्ष रन्जिता श्रेष्ठ, रेसम चौधरी, सुदूरपश्चिम प्रदेशका मन्त्री रामेश्वर चौधरी, प्रतिनिधि सभा सदस्य गङ्गाराम चौधरी, अरुणकुमार चौधरी लगायतले अबिर, खादा लगाएर स्वागत गरेका छन् ।