काठमाडौँ । बाँकेको नेपालगञ्ज उपमहानगरपालिका–१९ भैयापुरस्थित न्यु किसान इट्टा भट्टामा पर्खाल भत्किँदा दुई मजदुरको मृत्यु भएको छ। सोमबार बिहान करिब ११:२० बजे काम गरिरहेका बेला अचानक पर्खाल ढलेपछि ५२ वर्षीय वर्षादी लोधको
घटनास्थलमै ज्यान गएको थियो। दुर्घटनामा गम्भीर घाइते भएका ४५ वर्षीय राम फेरन कोरीलाई उपचारका लागि अस्पताल लगिएको थियो। तर उपचारकै क्रममा साउन २० गते बिहान उनको पनि मृत्यु भयो। वर्षादी लोधको शव पोस्टमार्टमपछि परिवारलाई बुझाइसकिएको छ भने राम फेरन कोरीको शव पोस्टमार्टमका लागि अस्पतालमै राखिएको छ। घटनाको कारणबारे प्रहरीले अनुसन्धान गरिरहेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
