
काठमाडौँ । रुसको साइबेरिया क्षेत्रमा सैन्य विमान दुर्घटना हुँदा १९ जनाको मृत्यु भएको छ। केमेरोभो क्षेत्रमा भएको दुर्घटनामा विमानमा सवार चालक दलका सदस्यसहित सबैको ज्यान गएको रुसी रक्षा मन्त्रालयले जनाएको छ।
यसअघि विभिन्न सञ्चारमाध्यमले दुर्घटनामा १७ जनाको मृत्यु भएको खबर सार्वजनिक गरेका थिए। तर रक्षा मन्त्रालयले मंगलबार मृतकको संख्या १९ पुगेको पुष्टि गरेको हो।
प्रारम्भिक अनुसन्धानअनुसार विमानमा प्राविधिक समस्या आएपछि दुर्घटना भएको हुन सक्ने आशंका गरिएको छ। विमान यागुनोभो गाउँ नजिकै खाली क्षेत्रमा खसेको थियो। प्रत्यक्षदर्शीका अनुसार विमानमा आगो लागेपछि तीव्र गतिमा जमिनमा खसेर विस्फोट भएको थियो। घटनाबारे थप अनुसन्धान भइरहेको मन्त्रालयले जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे