
काठमाडौँ । पूर्वशिक्षामन्त्री सुमना श्रेष्ठले आगामी स्थानीय तहको निर्वाचनमा काठमाडौं महानगरपालिकाको मेयर पदमा उम्मेदवारी दिने घोषणा गरेकी छन्।
श्रेष्ठले बुधबार सामाजिक सञ्जाल फेसबुकमार्फत आगामी निर्वाचनमा मेयर पदमा प्रतिस्पर्धा गर्ने जानकारी दिएकी हुन्। उनले आफूले अहिलेसम्म हासिल गरेको ज्ञान, सीप, अनुभव र क्षमतालाई काठमाडौंको विकासमा लगाउन चाहेको बताएकी छन्। काठमाडौंलाई व्यवस्थित, समृद्ध र सुशासित बनाउन आफूले मेयर पदमा उम्मेदवारी दिने निर्णय गरेको उनको भनाइ छ।
यद्यपि, उनले कुन राजनीतिक दलबाट वा स्वतन्त्र रूपमा चुनाव लड्ने भन्नेबारे खुलाएकी छैनन्।
श्रेष्ठले गत आम निर्वाचनअघि राष्ट्रिय स्वतन्त्र पार्टी (रास्वपा) छाडेकी थिइन्। त्यसयता उनी कुनै राजनीतिक दलमा आबद्ध भएकी छैनन्। आगामी निर्वाचनमा उनको उम्मेदवारीलाई चासोका साथ हेरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे