निर्वाचन र मतगणनामा लापरबाही गर्नेलाई कारबाही गर्ने :निर्वाचन अयोग

निर्वाचन अयोगका प्रवक्ता शालिग्राम शर्मा पौडेलले  २०७९ को स्थानीय तह निर्वाचन मतदान तथा मतगणनामा लापरबाही गर्ने मतदान अधिकृत तथा अन्य कर्मचारीहरूको विवरण सङ्कलन सुरु गरेको बताउनुभयो ।  प्रवक्ता शालिग्राम शर्मा पौडेलले दस्तखत नै नगरी तथा अर्धकट्टीसहित मतपत्र दिने, स्ट्याम्प प्याडको सट्टा मसी, मतदाताको सही विवरण उल्लेख नगर्ने, रबर स्वस्तिक छापको सट्टा स्टिल प्रयोग गर्ने कार्यमा संलग्न कर्मचारीको विवरण सङ्कलन भइरहेको  बुधबार जारी विज्ञप्तिमा उल्लेख छ ।

त्यस्तै मतदाता नामावलीमा स्पष्ट रेजा नलगाउने, प्रविष्ट सङ्ख्या उल्लेख नगर्ने, मतगणना सम्पन्न भए पनि घोषणा गर्न ढिलाइ गर्ने, सदर मत बदर र बदर मत सदर भनेर निर्णय गर्ने कर्मचारीलाई कारबाहीस्वरूप उक्त विवरण सङ्कलन गर्न लगाइएको आयोगले जनाएको छ ।