
काठमाडौं । प्रधानमन्त्री वालेन्द्र शाह भारतको औपचारिक भ्रमणमा जाने भएपछि कार्यवाहक प्रधानमन्त्रीको जिम्मेवारी ऊर्जा मन्त्री विराजभक्त श्रेष्ठले पाउने भएका छन्। प्रधानमन्त्री शाहसँगै अर्थमन्त्री डा. स्वर्णिम वाग्ले र परराष्ट्रमन्त्री शिशिर खनालसमेत भारत भ्रमणमा जाने भएपछि मन्त्रिपरिषद्को वरियताक्रमअनुसार श्रेष्ठलाई उक्त जिम्मेवारी दिन लागिएको हो।
प्रधानमन्त्री शाह नेपाली प्रतिनिधिमण्डलको नेतृत्व गर्दै आज भारतको औपचारिक भ्रमणमा जाँदैछन्। भ्रमणका क्रममा उनले भारतका राष्ट्रपति, प्रधानमन्त्रीलगायत उच्चपदस्थ अधिकारीहरूसँग भेटवार्ता गर्ने कार्यक्रम छ। भ्रमण सम्पन्न गरी प्रधानमन्त्री शाह भोलि साँझ स्वदेश फर्किनेछन्।
प्रधानमन्त्रीको अनुपस्थितिमा दैनिक प्रशासनिक तथा सरकारी कामकाज सञ्चालन गर्ने जिम्मेवारी ऊर्जा मन्त्री श्रेष्ठलाई दिन प्रधानमन्त्री शाहले राष्ट्रपति रामचन्द्र पौडेलसमक्ष सिफारिस गरेका छन्। प्रधानमन्त्रीको सिफारिसका आधारमा राष्ट्रपति पौडेलले श्रेष्ठलाई कार्यवाहक प्रधानमन्त्रीको जिम्मेवारी तोक्नेछन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे