
काठमाडौं । मधेश प्रदेशका नवनियुक्त मुख्यमन्त्री सरोजकुमार यादवले पद तथा गोपनीयताको शपथ लिएका छन्। प्रदेश प्रमुख डा. सुरेन्द्रलाल कर्णले उनलाई आज पद तथा गोपनीयताको शपथ गराएका हुन्।
संविधानको धारा १६८ को उपधारा (३) बमोजिम प्रदेशसभामा सबैभन्दा ठूलो दलको संसदीय दलको नेताका हैसियतमा जनता समाजवादी पार्टी (जसपा) नेपालका नेता यादवलाई प्रदेश प्रमुखले शनिबार मुख्यमन्त्री नियुक्त गरेका थिए।
प्रदेशसभामा कुनै पनि दलले स्पष्ट बहुमत प्राप्त गर्न नसकेको अवस्थामा संवैधानिक व्यवस्थाअनुसार ठूलो दलको संसदीय दलका नेताका रूपमा यादव मुख्यमन्त्री नियुक्त भएका हुन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे