अन्तर्राष्ट्रिय शिक्षा क्षेत्रमा १८ वर्षदेखि अग्रणी : हब इन्टरनेशनल एजुकेशन

काठमाडौँ – सन् २००६ मा श्री उद्धव बहादुर खड्काद्वारा स्थापित हब इन्टरनेशनल एजुकेशन आज नेपाल मात्र नभई अन्तर्राष्ट्रिय स्तरमा समेत एक प्रतिष्ठित र विश्वसनीय शैक्षिक परामर्श संस्था बन्न सफल भएको छ। सानो प्रयासका रूपमा सुरु गरिएको यो संस्था आज विश्वभर फैलिएको सेवा सञ्जालमार्फत हजारौँ विद्यार्थीहरूलाई मार्गदर्शन प्रदान गर्दै आएको छ।

१८ वर्षको अवधिमा हब इन्टरनेशनलले नेपाल, संयुक्त अरब इमिरेट्स (UAE), फिलिपिन्स, भियतनाम, भारतलगायत मुलुकहरूमा आफ्ना कार्यालयहरू विस्तार गर्दै आएको छ। बेलायत, आयरल्याण्ड, अमेरिका, अष्ट्रेलिया, क्यानडा, जर्मनी, स्वीडेन, फिनल्याण्ड, डेन्मार्कलगायतका देशहरूमा पाँच सयभन्दा बढी विश्वविद्यालय तथा कलेजहरूसँग साझेदारीमार्फत काम गरिरहेको हबले विद्यार्थीहरूलाई शिक्षा सम्बन्धी अनगिन्ती अवसरहरू प्रदान गरिरहेको छ।

शैक्षिक परामर्श क्षेत्रको योगदानका आधारमा सन् २०२४ मा हब इन्टरनेशनल एजुकेशनले इन्टरनेशनल फेयर अवार्ड्स अन्तर्गत ‘कन्सलटेन्सी अफ द इयर’ को उपाधि प्राप्त गर्‍यो। यो सम्मानले संस्थाको इमानदार, गुणस्तरीय र विद्यार्थीमुखी सेवाको मान्यता पुष्टि गरेको छ।

संस्थाले सञ्चालनमा ल्याएको “कन्सलटेन्सी स्टुडेन्ट रिस्पोन्सिबिलिटी (CSR)” कार्यक्रम विद्यार्थीप्रति संस्थाको उत्तरदायित्व दर्शाउने उदाहरणीय पहल हो। उक्त कार्यक्रम अन्तर्गत बेलायतमा अध्ययनको लागि भिसा प्राप्त गरेका विद्यार्थीहरूलाई निःशुल्क ल्यापटप र ल्यापटप ब्याग प्रदान गरिन्छ, जसले प्रारम्भिक अध्ययनकालमा आवश्यक प्रविधीय पहुँच सुनिश्चित गर्छ।

संस्थाकी प्रमुख कार्यकारी अधिकृत (CEO) श्रीमती सरिता खड्का भन्छिन्, “हामी विद्यार्थीहरूको सपना साकार पार्न विश्वासिलो साझेदार बन्न पाउँदा गर्व गर्छौँ। विदेशमा अध्ययन गर्नु जीवन परिवर्तन गर्ने निर्णय हो, त्यसैले यसमा सही जानकारी र मार्गदर्शन अपरिहार्य हुन्छ।”

हब इन्टरनेशनल एजुकेशनले केवल भर्ना प्रक्रियामा मात्र होइन, सम्पूर्ण अध्ययन यात्राभर साथ दिने सेवाहरू प्रदान गर्दछ। पाठ्यक्रम छनोट, छात्रवृत्ति, भिसा प्रक्रिया, प्रि-डेपार्चर गाइड र विदेशमा पुगेपछि आवश्यक परामर्श सेवासम्मको सम्पूर्ण सहायता संस्था मार्फत उपलब्ध हुन्छ।

अनुभवी परामर्शदाता टोलीको सहयोगमा हजारौँ नेपाली विद्यार्थीहरूले विदेशमा अध्ययनको सपना साकार पारिरहेका छन्। शिक्षा, इमानदारी र समर्पणलाई मूलमन्त्र मानेर अगाडि बढिरहेको हब इन्टरनेशनल एजुकेशनले अबको यात्रामा अझ सशक्त भूमिका खेल्ने अपेक्षा गरिएको छ।

यदि तपाईं युके, अमेरिका, क्यानडा, अष्ट्रेलिया, आयरल्याण्ड वा भारतजस्ता प्रमुख शैक्षिक गन्तव्यतर्फ उन्मुख हुनुहुन्छ भने, हब इन्टरनेशनल एजुकेशन तपाईंको पहिलो र भरपर्दो विकल्प हुन सक्छ।