काठमाडौं । त्रिभुवन अन्तर्राष्ट्रिय विमानस्थलमा यात्रुको ब्यागेज व्यवस्थापनलाई सहज र पारदर्शी बनाउन नयाँ व्यवस्था लागू गरिएको छ। विमानस्थलको आगमन कक्षस्थित ब्यागेज क्लेम क्षेत्रमा अब ब्यागेज ड्रप एरियाको प्रत्यक्ष दृश्य (लाइभ फिड) हेर्न सकिने सुविधा उपलब्ध गराइएको हो।
नयाँ व्यवस्थाअनुसार विदेशबाट आएका यात्रुले आफ्नो सामान विमानबाट झारेर ब्यागेज व्यवस्थापन क्षेत्रमा पुर्याइएको अवस्थाबारे प्रत्यक्ष जानकारी लिन सक्नेछन्। यसबाट यात्रुले आफ्नो ब्यागेज कहिले प्राप्त हुन्छ भन्ने अनुमान गर्नसमेत सहज हुने अपेक्षा गरिएको छ।
यसअघि ब्यागेज प्राप्त गर्न प्रतीक्षारत यात्रुले सामान आउने अवस्थाबारे प्रत्यक्ष जानकारी पाउन कठिन हुने गरेकोमा नयाँ सुविधाले प्रतीक्षा प्रक्रियालाई थप सहज बनाउने विश्वास गरिएको छ।
विमानस्थलमा उपलब्ध गराइएको यस सुविधाले ब्यागेज व्यवस्थापन प्रक्रियामा पारदर्शिता बढाउनुका साथै यात्रुको समय व्यवस्थापन र सेवा अनुभवमा सुधार ल्याउने अपेक्षा गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
