सार्वजनिक विवरणको विश्लेषण गर्दा सेयर लगानीकर्ताहरूले लाभांशबारे अनुमान गर्न सक्ने अवस्था बनेको छ। विवरणका आधारमा ४ वाणिज्य बैंकहरू—नेपाल बैंक, कुमारी बैंक, एनआईसी एशिया र हिमालयन बैंकले यस आर्थिक वर्षमा लाभांश दिन नसक्ने देखिएको छ। नेपाल इन्भेस्टमेन्ट मेगाबैंकको लाभांश क्षमता यद्यपि सकारात्मक देखिए पनि वितरणयोग्य लाभांश नहुन सक्ने सम्भावना उच्च छ।
औसत रूपमा हेर्दा, सूचीकृत १९ वाणिज्य बैंकहरूले ११ प्रतिशतसम्म लाभांश दिने क्षमता बनाएका छन्। तीमध्ये ११ बैंकले दोहोरो अंकको लाभांश दिन सक्ने अवस्था देखाएका छन्। कर्जा असुलीमा सुधार आएको कारणले पनि लाभांश क्षमता वृद्धि भएको हो।
एभरेस्ट बैंक सबैभन्दा उच्च स्थानमा रहँदै ३८.२७ प्रतिशत लाभांश दिने क्षमतामा पुगेको छ। त्यसपछि क्रमशः सानिमा बैंक (२०.४७%), स्ट्यान्डर्ड चार्टर्ड (१९.८५%), कृषि विकास बैंक (१८.४२%) र नबिल बैंक (१७.६४%) रहेका छन्।
अन्य बैंकहरूको लाभांश क्षमता निम्न अनुसार छ:
कतिपय बैंकहरूको नाफा उच्च देखिए तापनि वितरणयोग्य नाफा न्यून हुँदा लाभांश क्षमता कमजोर देखिएको छ। प्राप्त नभएको आम्दानी पनि नाफामा देखिए तापनि त्यसको वितरण गर्न नपाइने स्थिति रहेकोले यस्तो अवस्था आएको हो।
हाल सार्वजनिक विवरण अपरिस्कृत भएकाले, आगामी तीन महिनाभित्र हुने बाह्य लेखापरीक्षणपछि यी सूचकहरू फेरिन सक्ने छन्। लेखापरीक्षण सकिएपछि बैंकका सञ्चालक समितिहरूले लाभांश घोषणा गर्नेछन्, जुन नगद वा बोनस सेयरको रूपमा हुन सक्छ।
प्रचलित कानुनी व्यवस्था अनुसार, वाणिज्य बैंकहरूले पुस मसान्तभित्र साधारणसभा गरी लाभांश पारित गर्नुपर्छ। पारित लाभांशपछि मात्रै सेयरधनीहरूले बोनस सेयर डिम्याट खातामा र नगद लाभांश बैंक खातामा प्राप्त गर्नेछन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
