कामना सेवा विकास बैक र क्याफेफिलिया बीच सम्झौता

काठमाडौँ । कामना सेवा विकास बैंक लिमिटेडले काठमाडौंको ज्ञानेश्वरस्थित क्याफेफिलिया सँग सेवा शुल्क छुटसम्बन्धी सहकार्य सम्झौता गरेको छ। सम्झौता अनुसार बैंकका कर्मचारी तथा ग्राहकहरूले क्याफेमा उपलब्ध खानेकुरा र पेयपदार्थमा १० प्रतिशत छुट प्राप्त गर्नेछन्।

बैंकका अनुसार ग्राहकहरूले बैंकसँगको आबद्धता प्रमाण—जस्तै बैंक खाताको विवरण, एटीएम कार्ड, मोबाइल बैंकिङ प्रमाण वा अन्य सम्बन्धित कागजात—देखाएपछि यो सुविधा सजिलै उपयोग गर्न सक्नेछन्। यस सहकार्यबाट बैंकसँग आवद्ध सबै सेवाग्राहीले विशेष लाभ लिने विश्वास बैंकले व्यक्त गरेको छ।

सम्झौतामा बैंकको तर्फबाट मार्केटिङग् प्रमुख पर्मा ढुंगेल र क्याफेफिलियाका फ्रान्चाइज सञ्चालक सदिक्षा श्रेष्ठले हस्ताक्षर गरेका छन्। कफीप्रति गहिरो मोह र माया राख्नेहरु क्याफेफिलियाका समर्पित ग्राहकहरु हुन्। बैंकका अनुसार ग्राहक सेवा विस्तार, सहज पहुँच र सहकार्य माध्यमबाट सुविधामा वृद्धि गर्नु यसको मुख्य उद्देश्य हो।

कामना सेवा विकास बैंकले देशभर शाखा तथा सेवाकेन्द्रमार्फत वित्तीय सेवा उपलब्ध गराउँदै आएको छ। यस प्रकारका सहकार्य कार्यक्रमहरूले ग्राहक–बैंक सम्बन्ध अझ प्रगाढ हुने बैंकले जनाएको छ।