रोसेट्टा एजुकेशन इन्टरनेशनल र जया मल्टिपल क्याम्पसबीच एमओयू, विद्यार्थीलाई रोजगारी र इन्टर्नसिपमा सहकार्य

काठमाडौं । विद्यार्थीको रोजगारी, इन्टर्नसिप अवसर विस्तार तथा करियर तयारीलाई प्रभावकारी बनाउने उद्देश्यले रोसेट्टा एजुकेशन इन्टरनेशनल र जया मल्टिपल क्याम्पसबीच समझदारीपत्र (एमओयू) मा हस्ताक्षर भएको छ।

समझदारीअनुसार दुवै संस्थाले विद्यार्थीलाई उपयुक्त रोजगारीसँग जोड्ने, इन्टर्नसिप अवसर उपलब्ध गराउन सहजीकरण गर्ने तथा व्यावसायिक सीप, करियर परामर्श र रोजगार तयारीसम्बन्धी कार्यक्रम सञ्चालनमा सहकार्य गर्नेछन्। यस सहकार्यले विद्यार्थीलाई अध्ययनसँगै व्यावहारिक अनुभव प्राप्त गर्न तथा प्रतिस्पर्धी श्रम बजारका लागि आवश्यक क्षमता विकास गर्न सहयोग पुग्ने विश्वास गरिएको छ।

समझदारीपत्रमा रोसेट्टा एजुकेशन इन्टरनेशनलका तर्फबाट समन्वयकर्ता गणेश ढकाल र जया मल्टिपल क्याम्पसका तर्फबाट प्राचार्य भवानीप्रसाद पौडेलले हस्ताक्षर गर्नुभएको थियो।

यस अवसरमा दुवै संस्थाले शैक्षिक संस्था र निजी क्षेत्रबीचको सहकार्यलाई थप सुदृढ बनाउँदै विद्यार्थीमैत्री कार्यक्रम विस्तार गर्ने प्रतिबद्धता व्यक्त गरेका छन्।

यस महत्वपूर्ण सहकार्य सफल बनाउन नेतृत्वदायी भूमिका निर्वाह गर्नुभएका समन्वयकर्ता गणेश ढकाल तथा प्राचार्य भवानीप्रसाद पौडेलप्रति हार्दिक धन्यवाद तथा आभार व्यक्त गरिएको छ। उहाँहरूको पहलले विद्यार्थीलाई अध्ययनसँगै व्यावहारिक अनुभव, करियर विकास र भविष्यको रोजगारीका अवसरसँग जोड्ने वातावरण निर्माण हुने विश्वास व्यक्त गरिएको छ।