किशोर श्रेष्ठलाई थप ४ दिन हिरासतमा राख्न अदालतको अनुमति

काठमाडौँ । किशोर श्रेष्ठलाई थप ४ दिन हिरासतमा राखेर अनुसन्धान गर्न काठमाडौं जिल्ला अदालतले प्रहरीलाई अनुमति दिएको छ। यसअघि अदालतले उनलाई ३ दिन हिरासतमा राख्न अनुमति दिएको थियो। उक्त समय सकिएपछि अनुसन्धान पूरा नभएको भन्दै प्रहरीले थप समय मागेको थियो।

प्रहरीले सोमबार श्रेष्ठलाई अदालतमा उपस्थित गराएपछि अदालतले थप ४ दिन हिरासतमा राख्न अनुमति दिएको हो। श्रेष्ठलाई वैयक्तिक गोपनीयतासम्बन्धी कानुन उल्लंघन गरेको आरोपमा अनुसन्धानका लागि पक्राउ गरिएको प्रहरीले जनाएको छ।

यसैबीच, आफ्नो गिरफ्तारी गैरकानुनी भएको भन्दै श्रेष्ठकी पत्नीले सर्वोच्च अदालतमा बन्दी प्रत्यक्षीकरणको रिट दायर गरेकी छन्। उक्त रिटमा सोमबार नै सुनुवाइ हुँदैछ। न्यायाधीश नहकुल सुवेदी र बालकृष्ण ढकालको संयुक्त इजलासमा मुद्दाको पेशी तोकिएको छ। श्रेष्ठलाई गत बुधबार उपत्यका अपराध अनुसन्धान कार्यालय र काठमाडौं प्रहरीको टोलीले पक्राउ गरेको थियो।