प्रतिनिधिसभा बैठक बस्दै , चार मन्त्रीले मौखिक प्रश्नको जवाफ दिने

काठमाडौं । संघीय संसद् प्रतिनिधिसभाको बैठक आज बिहान ११ बजे सिंहदरबारमा बस्दैछ। बैठकमा चार मन्त्रालयसँग सम्बन्धित मौखिक प्रश्नको सम्बन्धित मन्त्रीले जवाफ दिनेछन्। परराष्ट्र, ऊर्जा, संस्कृति–पर्यटन र कृषि मन्त्रालयसँग सम्बन्धित प्रश्नमा मन्त्रीहरूले उत्तर दिने कार्यसूची छ।

बैठकमा प्रधानमन्त्री बालेन्द्र शाहको तर्फबाट कानुनमन्त्री सोविता गौतमले थारु आयोगको सातौँ वार्षिक प्रतिवेदन पेस गर्नेछिन्। साथै, राहदानी र मेलमिलापसम्बन्धी संशोधन विधेयकमाथि छलफल अघि बढाउने प्रस्ताव प्रस्तुत हुनेछ। अन्तर्राष्ट्रिय समुद्री कानुनअन्तर्गत समुद्री जैविक विविधता संरक्षणसम्बन्धी सम्झौता पनि पेस गरिनेछ।

यसैगरी, आज पाँच वटा संसदीय समितिको बैठक पनि बस्नेछ। कृषि तथा प्राकृतिक स्रोत, पूर्वाधार विकास, विधायन व्यवस्थापन, सार्वजनिक नीति तथा प्रत्यायोजित विधायन र संघीयता सवलीकरण तथा राष्ट्रिय सरोकार समितिले विभिन्न विषयमा छलफल गर्नेछन्।