काठमाडौं । कमेडियन अमरेन्द्र यादवले एमाले नेता सूर्य थापा र पार्टीसँग सम्बन्धित नेताहरूलाई व्यंग्य गरेपछि आफूलाई धम्की र गालीगलौज आएको बताएका छन्। कमेडी कार्यक्रम ‘कमेडी बाज’मा सूर्य थापा अतिथि बनेका थिए। सोही कार्यक्रममा अमरेन्द्रले थापासँगै एमाले अध्यक्ष केपी शर्मा ओली, नेता महेश बस्नेत र एमालेको संगठनलाई व्यंग्य गरेका थिए। उक्त भिडियो सामाजिक सञ्जालमा चर्चित बनेपछि आफूले समस्या झेल्नुपरेको अमरेन्द्रको भनाइ छ।
उनका अनुसार भिडियो सार्वजनिक भएको पछिल्ला ३–४ दिनदेखि उनलाई लगातार फोन तथा सामाजिक सञ्जालमार्फत गाली र धम्की दिइएको छ। आफूलाई धम्की दिनेहरू एमालेका कार्यकर्ता हुन् वा अन्य व्यक्ति हुन् भन्ने यकिन नभए पनि मानसिक दबाब बढेको उनले बताए।
डरका कारण कोठाबाट बाहिर निस्कनसमेत असहज भइरहेको बताउँदै अमरेन्द्रले आफू स्वतन्त्र कलाकार भएको स्पष्ट पारेका छन्। कलाकारले व्यंग्य गरेकै कारण धम्की पाउनु गम्भीर विषय भएको उनको भनाइ छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
