काठमाडौं – इन्टरनेट सेवा प्रदायक कम्पनी वर्ल्डलिंक कम्युनिकेसन लिमिटेडले विपद्मा परेका नागरिकको सहयोगका लागि प्रधानमन्त्री दैवी प्रकोप उद्धार कोषमा १ करोड १ लाख रुपैयाँ सहयोग गरेको छ।
वर्ल्डलिंकका प्रमुख कार्यकारी अधिकृत केशव नेपालले अर्थमन्त्री डा. स्वर्णिम वाग्लेलाई भेटेर उक्त रकम हस्तान्तरण गरेका हुन्। उनले बाढीबाट प्रभावित नागरिकको उद्धार, राहत र पुनःस्थापनामा सहयोग पुर्याउने उद्देश्यले रकम दिएको बताए।
हालै आएको बाढीका कारण वर्ल्डलिंकको इन्टरनेट नेटवर्क र अन्य पूर्वाधारमा पनि ठूलो क्षति पुगेको छ। कम्पनीका अनुसार बाढीबाट करिब ३ करोड ५० लाख रुपैयाँ बराबरको प्रत्यक्ष क्षति भएको छ।
तर, आफ्नै संरचनामा ठूलो क्षति भए पनि कम्पनीले ग्राहकलाई लामो समय इन्टरनेटविहीन हुन दिएन। बाढी आएको तीन दिनभित्रै प्रभावित नेटवर्क मर्मत गरी सेवा पुनः सञ्चालनमा ल्याइएको वर्ल्डलिंकले जनाएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
